میزائل غلطی سے چلا، معذرت خواہ ہیں، بھارتی وزارت دفاع

تفصیلات کے مطابق  پاکستان میں بھارت کا ہائی اسپیڈ آبجیکٹ گرنے کا معاملہ،  بھارتی وزارت دفاع بیک فٹ پر، وضاحتی بیان جاری کرنا پڑگیا۔

بھارتی وزارت دفاع کا کہنا ہے کہ  میزائل غلطی سے چلا، معذرت خواہ ہیں، واقعہ معمول کی مرمت کے دوران تکنیکی خرابی کے باعث پیش آیا، بھارتی حکومت نے واقعہ کا سنجیدگی سے نوٹس کے کر اعلیٰ سطح کی انکوائری کا حکم دے دیا ہے، اطلاع ملی ہے کہ بھارتی میزائل پاکستان  کے علاقے میں جاگرا ہے،  اس واقعے پر انتہائی افسوس ہے،  میزائل سے جانی نقصان نہ ہونے پر اطمینان ہوا۔

وزیر خارجہ شاہ محمود قریشی نے جی این این سے گفتگو کرتے ہوئے کہ   بھارت خطے کے امن کو خطرے میں ڈالنے کی کوشش کررہاہے، پاکستان نے بھارت کے طیارے گرائے اور چائے پلائی، ابھی ایک چائے ٹھنڈی ہوئی نہیں لگتاہے اب دوسری کی ضرورت ہے، پاکستان کو بھارتی حکومت سےوضاحتی بیان چاہیے۔

وزیرخارجہ شاہ محمودقریشی نے کہا کہ پاکستان ایک ذمے دار ملک ہے، بھارت نے امن کو مذاق بنا دیا ہے، بھارت کا رویہ غیر ذمہ دارانہ ہے۔