خواجہ سراءنے بچے کو جنم دے دیا

لندن:  برطانیہ میں ایک 24سالہ خواجہ سراءنے بچے کو جنم دے دیا۔ ڈیلی پاکستان گلوبل کے مطابق جنس تبدیلی کے پروسیجر کے ذریعے عورت سے مرد بننے والے اس ریان نامی نوجوان کا تعلق مانچسٹر سے ہے۔

وہ اپنی جنس تبدیلی کے 9ویں مرحلے میں تھا جب حاملہ ہو گیا۔ اس پروسیجر کے دوران وہ مردانہ جنسی ہارمون ’ٹیسٹاسٹرون‘ لے رہا تھا، تاہم حاملہ ہونے کے بعد اس نے یہ ہارمون لینا ترک کر دیا۔

رپورٹ کے مطابق طبی عملے کی طرف سے ریان کو بتایا گیاکہ مکمل جنس تبدیلی کے بعد وہ بچہ پیدا کرنے کے قابل نہیں رہے گا، جس پر اس نے اپنی چھاتیاں کٹوانے سمیت دیگر کئی پروسیجر کروا لیے تاہم بچوں کی پیدائش کے لیے ضروری نسوانی اعضاءکے خاتمے کا ارادہ ترک کر دیا کیونکہ اس کا کہنا ہے کہ وہ مرد بننے کے باوجود مستقبل میں مزید بچے پیدا کرنا چاہتا ہے۔