تحریک عدم اعتماد کا معاملہ ، وزیراعظم کا ارکان قومی اسمبلی سے ملاقاتوں کا فیصلہ

ذرائع کے مطابق وزیراعظم عمران خان نے  تحریک عدم اعتماد پر ساتھیوں  کو اعتماد میں لینے کیلئے  آئندہ دو دن ارکان قومی اسمبلی سے ملاقاتوں کا فیصلہ کرلیا۔ وزیراعظم عمران خان ہفتہ اور اتوار متعدد ارکان قومی اسمبلی سے ملاقاتیں کریں گے۔

ذرائع کے مطابق وزیراعظم عمران خان ارکان قومی اسمبلی سے تحریک عدم اعتماد کے حوالے بات کریں گے۔ ذرائع کا کہنا ہے کہ وزیراعظم اپنے ارکان اسمبلی کو اپنی حکمت عملی سے بھی آگاہ کریں گے جبکہ تحریک انصاف کے ارکان قومی اسمبلی کے تحفظات دور کئے جائیں گے۔

ذرائع کے مطابق  ملاقات کرنے والے ارکان کی فہرست تیار کرلی گئی ہے ۔