علیم خان لندن سے وطن واپس پہنچ گئے

ذرائع کے مطابق علیم خان آج لاہور میں مصروف دن گزاریں گے ،  علیم خان اپنے گروپ کے رہنماؤں اور ارکان اسمبلی سے رابطے تیز کریں گے ۔  علیم خان آئندہ چند روز میں موجودہ سیاسی صورتحال پر بڑا فیصلہ کریں گے ۔

زرائع  کابتانا ہے کہ  علیم خان آج موجودہ سیاسی صورتحال اور دورہ لندن پر اپنے دوستوں کو اعتماد میں لیں گے  ، حکومت کا ساتھ دینا ہے ،ترین گروپ کے ساتھ چلنا ہے یا اپوزیشن کیمپ میں جانا ہے ، اس  کا جواب جاننے کیلئے سب منتظر ہیں ۔ زرائع  کاکہنا ہے کہ  علیم خان آج اہم مشاورتی عمل  اپنے ساتھیوں سے مکمل کریں گے۔

خیال رہے کہ  خبر سامنے آئی تھی کہ پاکستان تحریک انصاف ترین گروپ کے رہنما اور سابق وزیر علیم خان نے سابق وزیراعظم نوازشریف سے ملاقات کی ہے۔ ذرائع کے مطابق علیم خان اور نوازشریف کی ملاقات لندن میں ہوئی جس میں سابق وزیر خزانہ اسحاق ڈار اور نواز شریف کے بیٹے بھی موجود تھے۔