امریکہ میں دن کی روشنی کے حصول کے لیے 13 مارچ اتوار کے روز گھڑیاں ایک گھنٹہ آگے کر دی جائیں گی

نیویارک :  امریکہ میں دن کی روشنی ایک گھنٹہ زائد حاصل کرنے کے لیے اتوار، 13 مارچ کو صبح  2 بجے  گھڑیاں ایک گھنٹہ آگے کر دی جائیں گی. اس مقصد کے لیے "ڈے سیونگ ٹائم" (ڈی ایس ٹی) کی اصلاح استعمال کی جاتی ہے. 

امریکہ میں یہ عمل سال میں دو بار مارچ اور نومبر  کی مہینے میں دہرایا جاتا ہے. مارچ میں گھڑیاں ایک گھنٹہ آگے جبکہ نومبر میں ایک گھنٹہ پیچھے کر دی جاتی ہیں. تاکہ سورج کی زیادہ سے زیادہ روشنی سے استفادہ کیا جا سکے. 

تاہم یہ عالمگیر پریکٹس نہیں ہے. امریکہ کے کچھ علاقوں میں گھڑیاں آگے  پیچھے نہیں کی جاتیں. جیسے ریاست ایری زونا  کے زیادہ تر علاقوں اور تمام ہوائی سٹیٹ میں "ڈے سیونگ ٹائم" کا عمل نہیں دہرایا جاتا. ان کے علاوہ امریکی علاقوں پورٹو ریکو، گوام، امریکن ساموا، اور یو ایس ورجن آئی لینڈز میں بھی یہ پریکٹس نہیں ہے.