عمران خان اپنے اقتدار کو بچانے کے لئے در در پر پھر رہے ہیں :عظمی بخاری

عظمی بخاری نے ماڈل ٹاؤن میں پریس کانفرنس کرتے ہوئے کہا کہ خاتون اول کے قریبی رشتہ دار ملک سے باہر جانے کی اطلاعات ہیں، شہزاد اکبر بھی ملک سے جا چکے ہیں اور کسی کے سامنے نہیں آ رہے، ان کا احتساب کا نعرہ اور کہانی کہاں تک پہنچی ہے؟

  ان کا کہنا تھا کہ کسی بھی حکومتی رکن کے بیرون ملک جانے پر پابندی لگاتے ہوئے ان کے نام ای سی ایل میں ڈالے جائیں۔

عظمی بخاری نے کہا کہ مجھے امید ہے کہ تمام اتحادی بہت جلد عوام کی آواز سے آواز ملائیں گے، لگتا ہے کہ شیخ رشید کو کوئی گن سن مل گئی ہے اس لئے ان کی دم پر پیر آ گیا ہے، ہمارے نمبر پورے ہیں لیکن ہم اتفاق رائے پیدا کرنا چاہتے ہیں۔

ان کا کہنا تھا کہ میرے علم کے مطابق علیم خان کی مسلم لیگ ن میں ابھی تک کوئی شمولیت نہیں ہوئی ہے، تھوک کے حساب سے اراکین صوبائی اسمبلی ہمارے ساتھ ملنے کو تیار ہیں، علیم خان کو وزیر اعلیٰ بنانے کی کوئی اطلاع نہیں ہے، اللہ کی شان ہے کہ عمران خان کہہ رہے ہیں کہ وہ اب اپنا خرچہ خود اٹھایا کریں گے۔

ان کا مزید کہنا تھا کہ آج عمران خان کا ان کے اپنے ساتھی اور اتحادی ساتھ دینے کو تیار نہیں۔