پاکستان میں بھارتی میزائل گرنے پر بھارتی ناظم الامور کی طلبی

ترجمان دفترخارجہ کے مطابق بھارتی ناظم الامور کو دفتر خارجہ طلب کرکے بھارتی وزارت دفاع کے بیان پر پاکستان کی تشویش سے آگاہ کیا گیا۔

ترجمان دفتر خارجہ کا کہنا ہے کہ ناظم الامور کو بتایا گیا ایسے سنگین معاملات کو بھارتی حکام کی وضاحتوں سے حل نہیں کیا جا سکتا۔

ترجمان کے مطابق پاکستان سکیورٹی پروٹوکول اور تکنیکی تحفظات سے متعلق سوالات کے تسلی بخش جواب کی توقع رکھتا ہے۔

ترجمان کا کہنا ہے کہ بھارتی ناظم الامور سے کہا گیا وہ بھارتی حکومت کو پاکستان کے مشترکہ تحقیقات کے مطالبے سے آگاہ کریں، میزائل پاکستانی حدود میں گرنے کی عدالتی تحقیقات کا بھارتی فیصلہ کافی نہیں۔