روس کا یوکرینی ملٹری بیس پر خطرناک حملہ،35 افراد ہلاک

غیر ملکی خبر رساں ادارے کے مطابق  یوکرین کی وزارت دفاع  کی جانب سے دعویٰ کیا گیا ہےکہ  یوکرینی  شہر لیووف کے قریب ایک ملٹری بیس پر روسی فوج نے حملہ کیا ہے، روس کی جانب سے جس پر 30 راکٹ برسائے گئے۔جس میں 35 افراد ہلاک جب کہ مہلک حملے میں 134 شہری زخمی ہوئے ہیں۔

وزارت دفاع کے مطابق  لیووف میں ملٹری بیس پر غیر ملکی فوجی بھی موجود تھے، یہ ملٹری بیس پولینڈ کی سرحد کے قریب واقع ہے۔

دوسری جانب ماریوپول کے میئرکا کہنا ہے کہ 12 دنوں سے جاری روسی بمباری میں محصور ساحلی شہر میں 1500 افراد ہلاک ہو چکے ہیں۔

علاوہ ازیں امریکا کا کہنا ہے کہ وہ یوکرین کو چھوٹے ہتھیاروں، ٹینک شکن اور طیارہ شکن ہتھیاروں کی فراہمی کو 200 ملین ڈالر تک پہنچائے گا۔جبکہ روس کی جانب سے کہا گیا ہے کہ روسی فوج یوکرین میں مغربی ہتھیاروں کی سپلائی کو نشانہ بنا سکتی ہے۔