پی آئی اے کو آسٹریلیا  کیلئے براہ راست پروازوں کو لینڈنگ کی اجازت دیدی گئی

تفصیلات کے مطابق آسٹریلیا میں مقیم پاکستانیوں کے لئے اچھی خبر آگئی ، پی آئی اے کو آسٹریلیا کے لئے براہ راست پروازوں کو لینڈنگ کی اجازت دے دی  گئی ہے، پی آئی اے نے آسٹریلیا کے لئے براہ راست پروازیں شروع کرنے کے حوالے سے تیاریاں مکمل کرلی۔

ترجمان کا کہنا ہے کہ پی آئی اے کی پہلی پرواز 22 اپریل کو لاہور سے پی کے9808سڈنی کیلئے اڑان بھرے گی،  پی آئی اے کی پرواز 24 اپریل کو سڈنی سے لاہور کے لئے روانہ ہو گی ،  پی آئی اے لاہورسے ہفتہ وار ایک پرواز آپریٹ کرے گی، پی آئی اے آسٹریلیا کے لئے بوئنگ777لانگ رینج استعمال ہوں گے،  پی آئی اے دوسرے مر حلے میں کراچی سے سڈنی کے لئے پرواز شروع کر ے گی ۔

ترجمان کے مطابق   آسٹریلیا کے لئے براہ راست پرواز شروع کر نے سے ہم وطنوں کوعید سے قبل سفری سہولت میسر ہو گی۔