وزیر اعظم کے سیاسی لیڈروں کے نام بگاڑنے پر چودھری شجاعت حسین کا ردعمل

تفصیلات کے مطابق سابق وزیر اعظم چودھری شجاعت حسین کا کہنا ہے کہ  وزیراعظم عمران خان ریاست مدینہ کی تو ہمیشہ بات کرتے ہیں لیکن اچھا ہوتا وہ قرآن پاک کی سورت الحجرات کی آیت نمبر گیارہ ترجمہ کے ساتھ پڑھ لیتے،تو وہ اپنے جلسوں میں سیاسی لیڈروں پر الزامات لگانے کے ساتھ ساتھ انہیں برے ناموں اور القاب سے نہ پکارتے۔

چودھری شجاعت حسین نے کہا کہ  میرا تمام سیاستدانوں کو مشورہ ہے کہ سیاست میں شائستگی اور رواداری کا دامن نہ چھوڑا جائے۔

واضح رہے کہ  گزشتہ دنوں جلسے سے خطاب کرتے ہوئے  وزیراعظم عمران خان نے اپوزیشن رہنماؤں کے نام بگاڑے تھے ۔