وزیر اعظم کا اتحادیوں سے ملاقات کا فیصلہ

 ذرائع کا کہنا ہے کہ وزیراعظم عمران خان  نے  اتحادیوں سے ملاقات کا فیصلہ کرلیا،  وزیراعظم عمران خان وفاقی وزیر فہمیدہ مرزا کی رہائش گاہ جائیں گے۔

ذرائع  نے بتایا ہے کہ وزیراعظم عمران خان ملاقات کے دوران فہمیدہ مرزا  سے  تحریک عدم اعتماد پرحمایت کی درخواست کریں گے۔

خیال رہے کہ حکومت نے اتحادیوں سے رابطوں کا ایک اور دورشروع کرنےکا فیصلہ کیا ہے، حکومتی شخصیات (ق) لیگ، ایم کیوایم اور بلوچستان عوامی پارٹی سے دوبارہ رابطے کریں گے۔  وزیراعظم کی پرویز الٰہی سے ملاقات  کا امکان ہے اور  حکومتی شخصیات کی جانب سے دونوں کی ملاقات کروائے جانے کا امکان ہے جس کے لیے کوششیں جاری  ہیں۔