صحافی محسن جمیل بیگ کی ضمانت منظور

اسلام آباد کی انسداددہشتگردی عدالت نے سینئر صحافی محسن جمیل بیگ کی ضمانت منظور کرتے ہوئے پانچ لاکھ روپے کے ضمانتی مچلکے جمع کرانے کا حکم دیدیا ہے۔

 تفصیلات کے مطابق اسلام آباد کی انسداددہشتگردی عدالت کے جج محمد علی ورائچ نے محسن بیگ کی ضمانت کی درخواست پر محفوظ فیصلہ سنا دیا ہے. عدالت نے محسن بیگ کی دہشتگردی کے مقدمے میں پانچ لاکھ روپے کے عوض ضمانت منظور کی ہے اور مچلکے جمع کرانے کے بعد محسن بیگ کو جیل سے رہا کر دیا جائے گا۔