تحریک عدم اعتماد کا سیاسی و جمہوری طریقے سے مقابلہ کرینگے : شاہ محمود قریشی

 تفصیلات کے مطابق مولانا فضل الرحمان کے لانگ مارچ کے اعلان پر وزیرخارجہ شاہ محمود قریشی نے ایک  بیان  میں کہا کہ نمبرز پورے ہیں تواسلام آباد میں دھرنوں کی کیا ضرورت ہے۔ انہوں  نے کہا کہ  صرف عمران خان کو ہٹانے پر اتفاق ہے، اس کے علاوہ کسی بات پر کوئی اتفاق نہیں، ان کا منشور اور منزل ایک نہیں، یہ چوں چوں کا مربہ ہے۔ 

وزیرخارجہ  کا کہنا تھا کہ ارکان کودھمکی دینے یارابطوں میں رکاوٹ ڈالنےکا کوئی ارادہ نہیں، تمام ارکان اپنی آئینی وقانونی  ذمے داری کوبخوبی سمجھتےہیں۔ تحریک عدم اعتماد پیش کرنا اپوزیشن کا آئینی حق ہےجبکہ عدم اعتماد کا مقابلہ کرنا ہمارآئینی وجمہوری حق ہے۔

وزیرخارجہ شاہ محمود قریشی نے کہا کہ ابھی تک جتنے جلسے ہوئے ہیں، آپ دیکھ لیں ان سب میں کمال کا ماحول تھا، ستائیس مارچ کا اجتماع بھی پر امن ہو گا اور جلسے کے بعد منتشر ہو جائیں گے ، پیپلز پارٹی نے لانگ مارچ کیا کسی جگہ کوئی رکاوٹ نہیں ڈالی گئی ۔ انہوں نے کہا کہ عمران خان نے 27 مارچ کو تحریک انصاف کے کارکنوں کو دعوت دی ہے ، ڈی چوک پر جلسے کے لیے بے پناہ جوش ہے، یہ دھرنا نہیں ہے، ہم دھرنا دینے نہیں آ رہے، اس بات میں فرق محسوس کریں۔ 

انہوں نے کہا کہ  اوآئی سی کانفرنس اسلام آباد میں ہونے جارہی ہے اور ہم اوآئی سی اجلاس میں مداخلت نہیں ہونےدیں گے۔ اوآئی سی اجلاس کیلئےدعوت نامے بھیجے جاچکے ہیں، اسلام آبادمیں اوآئی سی اجلاس پاکستان کیلئےاعزازہے۔

وزیرخارجہ شاہ محمود قریشی نے کہا کہ کچھ چیزیں ایسی ہیں جووزیراعظم قوم سے شیئرکرنا چاہتے ہیں، جلسےکےذریعے وزیراعظم عمران خان قوم کواعتماد میں لیں گے۔

واضح رہے کہ گزشتہ روز متحدہ اپوزیشن کے قائدین نے مشترکہ اجلاس کے بعد 23 مارچ سے لانگ مارچ شروع کرنے کا اعلان کیا تھا ۔