کور کمانڈر کانفرنس, پاکستانی حدود میں بھارتی میزائل گرنے پر تشویش کا اظہار

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت کورکمانڈرز کانفرنس ہوئی جس میں خطے کی صورتحال اور اہم عالمی امور پر تفصیلی بریفنگ دی گئی۔

کانفرنس میں شرکا نے بھارتی میزائل فائرنگ کے حالیہ واقعہ کا تشویش کے ساتھ جائزہ لیا۔

کور کمانڈرز نے مطالبہ کیا کہ بھارتی غلطی کے اعتراف کے باوجود، عالمی فورمز واقعہ کا سنجیدگی سے جائزہ لیں، بھارتی اسٹریٹجک اثاثوں کے تحفظ، حفاظتی پروٹوکول کی جانچ اہم ہے۔

انہوں نے کہا کہ ایسے خطرناک واقعات کسی بڑے سانحے کا محرک بننے کے ساتھ علاقائی امن اور تذویراتی استحکام کو شدید خطرے میں ڈال سکتے ہیں۔

اس کے علاوہ کورکمانڈرز کانفرنس میں ملک کی اندرونی سیکیورٹی صورتحال اور مغربی بارڈر کی صورتحال پر بھی غور کیا گیا۔

#CCC was held @ GHQ. General Qamar Javed Bajwa, COAS presided. Forum was given comprehensive briefing on important global / regional developments, internal security situation in the country & progress on Western Border Management Regime. (1/5) pic.twitter.com/e2005ItjMf

— DG ISPR (@OfficialDGISPR) March 15, 2022

آئی ایس پی آر کے مطابق آرمی چیف نے ہدایت کی کہ 23 مارچ کی پریڈ اوراو آئی سی وزرائے خارجہ کانفرنس کیلئے جامع سیکیورٹی پلان مرتب کیا جائے۔

کانفرنس میں شرکا نے عزم کیا کہ ملک کی سیکیورٹی کیلئے تمام تر اقدامات اٹھائے جائیں گے۔

آئی ایس پی آر کے مطابق آرمی چیف نے دہشتگردی کیخلاف جاری کامیاب آپریشنز کو سراہا اور فارمیشنز کی آپریشنل تیاریوں کی بھی تعریف کی۔

...COAS directed that comprehensive security measures be ensured for peaceful conduct of OIC Council of Foreign Ministers meeting and Pakistan Day Parade. COAS appreciated operational preparedness of the formations and emphasized on mission oriented training. (5/5)

— DG ISPR (@OfficialDGISPR) March 15, 2022