اپوزیشن نے لانگ مارچ کا شیڈول تبدیل کردیا

اسلام آباد میں پاکستان پیپلز پارٹی کے رہنما نوید قمر، اے این پی کے میاں افتخار اور پاکستان مسلم لیگ ن کے رانا ثناء اللہ کے ہمراہ میڈیا سے گفتگو کرتے ہوئے پی ڈی ایم کے سربراہ مولانا فضل الرحمان نے کہا کہ لانگ مارچ سے متعلق ایک اعلامیہ طے کیا گیا ہے۔

ان کا کہنا تھا کہ 25مارچ تک لو گ اسلام آباد میں داخل ہوں، او آئی سی کے وزرئے خارجہ ہمارے مہمان ہیں، وزرائے خارجہ 24مارچ تک اسلام آباد میں موجود رہیں گے۔

انہوں نے کہا ہے کہ 23مارچ کو قافلے اسلام آباد میں داخل ہونے سے گریز کریں، لانگ مارچ سے متعلق لائحہ عمل طے کیا گیا ہے، تمام قافلے ایک دوسرے سے رابطے میں رہیں گے۔

پی ڈی ایم کے سربراہ مولانا فضل الرحمان نے او آئی سی کانفرنس کے باعث قافلوں کو 23 مارچ کے دن اسلام آباد آنے سے روک دیا ہے۔

امیر جمعیت العلمائے اسلام (ف) مولانا فضل الرحمان نے اس حوالے سے ہدایت کی ہے کہ لانگ مارچ کے شرکا 25 مارچ کو اسلام آباد میں داخل ہوں۔