صدر پاکستان کی ترکمانستان کے صدر سے ٹیلیفونک گفتگو، علاقائی امن و استحکام کی صورتحال پر تبادلہ خیال

تفصیلات کے مطابق  صدر پاکستان ڈاکٹر عارف علوی کی ترکمانستان کے صدر گربنگولی بردی محمدوف سے ٹیلی فونک گفتگو ہوئی ہے،جس میں  دونوں رہنماؤ ں نے  دوطرفہ امور  اور علاقائی امن و استحکام کی صورتحال پر تبادلہ خیال کیا۔

صدر مملکت ڈاکٹر عارف علوی  نے  12 مارچ 2022 کو صدارتی انتخابات کے کامیابی انعقاد  پر ترکمانستان کے صدر کو مبارکباد دی ۔صدرمملکت نے کہا کہ  شاندار فتح ترکمانستان کے عوام کے موجودہ قیادت کے وژن پر اعتماد کی عکاسی کرتی ہے۔

اس کے علاوہ صدر مملکت نے روابط بڑھانے ، سیاحت میں اضافے اور عوامی روابط بڑھانے پر بھی زور دیا۔