پاکستان کی طرف سے یوکرین کیلئے انسانی ہمدردی کی بنیاد پر امدادی سامان روانہ

تفصیلات کے مطابق پاکستان کی جانب سے یوکرین کیلئے انسانی امداد کی حوالگی کی تقریب نور خان ائیربیس  پر منعقد ہوئی جس میں  وزیر خارجہ شاہ محمود قریشی، سیکریٹری خارجہ سہیل محمود ،وزارت خارجہ کے سینئر افسران اور چیئرمین این ڈی ایم اے لیفٹیننٹ جنرل اختر نواز بھی بھی موجود تھے۔ 

ذرائع کے مطابق  وزیر خارجہ شاہ محمود قریشی نے جذبہ خیر سگالی کے تحت امدادی سامان یوکرین کے سفیر کے حوالے کیا ، امدادی سامان میں ادویات، الیکٹرو میڈیکل آلات، بستر اور کھانے پینے کی اشیاء شامل ہیں۔

نور خان ائربیس پر پاکستان کی جانب سے یوکرین کیلئے انسانی امداد کی حوالگی کی تقریب۔

وزیر خارجہ مخدوم شاہ محمود قریشی کی نور خان ائربیس آمد۔ #APPNews #Pakistan ?? #Ukraine ?? @SMQureshiPTI @TeamSMQ @ForeignOfficePk @PakinUkraine @MoIB_Official pic.twitter.com/Vf7E4WuTTM

— APP ?? (@appcsocialmedia) March 15, 2022

دوسری جانب یوکرینی سفیر نے امدادی سامان بھجوانے پر شاہ محمود قریشی اور پاکستانی قیادت کا شکریہ ادا کیا۔ذرائع کے مطابق دو خصوصی پروازوں کے ذریعے امدادی سامان پولینڈ کے شہر لبن میں پہنچایا جائے گا۔

واضح رہے کہ گزشتہ دنوں وفاقی حکومت نے یوکرین کوانسانی بنیادوں پرامداد دینے کی منظوری دی تھی۔