ملک کے بیشترعلاقوں میں آج موسم گرم اور خشک رہے گا 

محکمہ موسمیات  کے مطابق آج پنجاب اور سندھ میں موسم خشک اور گرم رہے گا ، پنجاب کے مختلف  شہروں میں گرمی کی شدت بڑھنے لگی ہے ۔  

محکمہ موسمیات نے ہیٹ ویو الرٹ جاری کردیا ، محکمہ موسمیات کے مطابق  آئندہ دو روز درجہ حرارت 41 ڈگری تک پہنچ جائے گا۔  پنجاب کے شہر   فیصل آباد میں تیز دھوپ کی وجہ سے گرمی کی شدت میں اضافہ ہونے لگا، آج دن بھر زیادہ سے زیادہ درجہ حرارت 38 ڈگری سینٹی گریڈ تک جانے کا امکان ہے

 خیبرپختونخوا کے میدانی علاقوں میں بھی موسم گرم رہنے  کا امکان ہے ۔ گرمی بڑھنے سے ملک کے مختلف علاقوں میں دن کے درجہ حرارت معمول سے 7 سے10ڈگری سینٹی گریڈ زیادہ رہنے کا امکان ہے۔

بلوچستان کے بیشتر اضلاع میں آئندہ 24 گھنٹوں کے دوران  موسم خشک اورگرم رہے گا۔ کوئٹہ میں کم سے کم درجہ حرار ت12 ڈگری سینٹی گریڈ ریکاڈکیاگیا، جبکہ زیارت میں کم سے کم04 جبکہ قلات میں 10ڈگری سینٹی گریڈریکارڈ کیا گیا۔ بلوچستان کے شہرکوئٹہ میں 30، پشین میں 12، ژوب میں14، جیونی میں18، گوادر اور نوکنڈی میں21، سبی اور تربت میں 20 سینٹی گریڈ ریکارڈ کیا گیا۔