تحریک انصاف  کا مسلم لیگ ق کو پنجاب کی وزارت اعلی دینے سےانکار 

جی این این  کے مطابق ذرائع کا کہنا ہے کہ تحریک انصاف کے رہنما پرویز خٹک نے ق لیگی رہنما مونس الہی کو کہا ہے کہ  ہم وزیراعلیٰ نہیں بنا سکتے، ن لیگ بناتی ہے تو بن جائیں۔

پرویز خٹک نے اتحادی جماعت ق لیگ کے رہنما مونس الہی کو تحریک انصاف کے موقف سے آگاہ کرتے ہوئے کہا کہ پانچ سیٹوں پر وزیر اعلیٰ بنانے کا مطالبہ بلیک میلنگ ہے، ق لیگی رہنما طارق چیمہ کے بیانات کو بھی تحریک انصاف کی قیادت نے توہین آمیز قرار دے دیا۔ 

ذرائع کے مطابق پرویز خٹک  نے  موقف اختیار کیا کہ اتحاد متوازن سیاسی اصولوں پر ہی ممکن  ہے ،   طارق بشیر چیمہ کی جگہ کوئی اور ہوتا تو کابینہ سے پہلے استعفیٰ دیتا، ہر مشکل میں بلیک میل کرنا مناسب رویہ نہیں ہے ۔ 

 دوسری جانب وزیر اعظم عمران خان کے خلاف تحریک عدم اعتماد جمع کرانے کے بعد اپوزیشن کے حکومتی اتحادیوں سے رابطے جاری ہیں۔