حکومت کا 7 ارب روپے کے رمضان پیکیج کا اعلان

تفصیلات کے مطابق  وزیر اعلی پنجاب عثمان بزدار نے 7 ارب روپے کے رمضان پیکیج کا اعلان کردیا۔وزیر اعلی پنجاب عثمان بزدار کا کہنا ہے کہ  صوبہ بھر میں 313 رمضان بازار لگائے جائیں گے،آٹے کا 10 کلو کا تھیلارمضان بازاروں میں مارکیٹ پرائس سے 120 روپے سستا ملے گا، رمضان بازاروں میں 10 کلو آٹے کا تھیلا 300 روپے میں دستیاب ہو گا، سستے آٹے کی فراہمی پر پنجاب حکومت تقریبا 3 ارب 50 کروڑ روپے سبسڈی دے گی۔

عثمان بزدار کا کہنا ہے کہ  رمضان بازاروں میں کورونا ایس او پیز پر عملدرآمد یقینی بنایا جائے گا،خریدارو ں کی زندگیو ں کے تحفظ کے لئے سماجی فاصلہ برقرار رکھنا لازمی ہو گا، رمضان بازاروں میں زرعی فیئر پرائس شاپس لگائی جائیں گی۔

وزیر اعلی پنجا ب نے کہا کہ  پھل اور سبزیاں 2018ء کے ریٹ کے مطابق صارفین کو دستیاب ہوں گی، دال چنا، بیسن، کھجوراوردیگر اشیاء ضروریہ بھی 2018ء کے نرخوں پر ملیں گی، رمضان بازاروں میں چینی 60 روپے فی کلو دستیاب ہو گی، گھی، چکن اور انڈے مارکیٹ سے 10سے 15 روپے کم قیمت پر رمضان بازاروں میں ملیں گے۔

 وزیر اعلی عثمان بزدار نے عوام کو زیادہ سے زیادہ ریلیف دینے کی ہدایت کردی،سہولت بازاروں کا دائرہ کار وسیع کیا جائے گا، وزیر اعلی عثمان بزدار کی سہولت بازار اتھارٹی کے قیام کی بھی  ہدایت، سہولت بازاروں کے ذریعے اپنے عوام کو مصنوعی مہنگائی سے مستقل نجات دلاؤں گا،عرمضان بازاروں کے انتظامات کیلئے کم سے کم اخراجات کئے جائیں۔