موسم کی خرابی کے باعث وزیراعظم کا پارا چنار کا دورہ ملتوی

وزیراعظم عمران خان نے آج پارا چنار میں عوامی جلسے سے خطاب کرنا تھا تاہم وزیراعظم عمران خان موسم کی خرابی کے باعث نہ جا سکے۔

پارا چنار میں جلسے کے اسٹیج سے وزیراعظم عمران خان کا دورہ ملتوی کرنے کا اعلان کیا گیا۔

پاکستان تحریک انصاف کے رکن اسمبلی اقبال میاں کی جانب سے بتایا گیا کہ موسم کی خرابی کی وجہ سے وزیر اعظم پاراچنار نہ آسکے۔

وزیراعظم کے نہ آنے کے اعلان کے بعد کارکنوں نے جلسہ گاہ سے واپس جانا شرو ع کر دیا۔

خیال رہے کہ پارا چنار سمیت ضلع کرم کے مختلف علاقوں میں بارش کا سلسلہ جاری ہے۔