سندھ ہاوس   حملہ :  پی پی رہنما قادر مندوخیل  کی ہنگامہ آرائی کیخلاف درخواست

ذرائع کا کہنا ہے کہ پیپلز پارٹی کے رہنما قادر مندوخیل نے سندھ ہاؤس میں ہونے والی ہنگامہ آرائی کے خلاف درخواست دے دی  ہے۔درخواست میں کہا گیا ہے کہ پی ٹی آئی ایم این ایز اور کارکنان نے سندھ ہاوس میں حملہ کیا اور گیٹ توڑا، پی ٹی آئی ممبران اور کارکنان نے سندھ ہاوس میں موجود اسمبلی ممبران اور فیلمز پر حملے کی کوشش کی۔

 درخواست میں موقف اختیار کیا گیا ہے کہ پی ٹی آئی کارکنان سندھ ہاوس داخل ہوئے اور ممبران، سیکورٹی سمیت خواتین کے سامنے گالیاں دیتے رہے، پی ٹی آئی ممبران اور کارکنان کی جانب سے  سندھ ہاوس کی سیکورٹی کو دھکے دئے گئے۔ سندھ ہاوس میں پیلزپارٹی کے ممبران قادر مندوخیل، عبدالقادر پٹیل، آغا رفیع اللہ فیملیز کے ساتھ موجود ہیں۔