گاڑیوں اور موٹرسائیکلوں کی تیسری نمبر پلیٹ بھی متعارف کرانے کی تیاریاں لیکن یہ کہاں پر لگے گی؟ تہلکہ خیز خبر

لاہور:  روایتی طور پر دنیا بھر میں موٹرسائیکلز اور گاڑیوں کی 2نمبر پلیٹس ہوتی ہیں۔

میڈیا رپورٹس کے مطابق ان دو نمبر پلیٹس  میں سے ایک گاڑی کے آگے اور ایک پچھلے حصے میں لگائی جاتی ہے تاہم پنجاب میں اب ایک تیسری نمبر پلیٹ بھی متعارف کرانے کا منصوبہ بنا لیا گیا ہے اور یہ تیسری نمبرپلیٹ کار اور موٹرسائیکل مالکان کو 1ہزار 50روپے میں پڑے گی۔

 یہ تیسری نمبر پلیٹ گاڑیوں کی ونڈسکرین پر اور موٹرسائیکلوں کی ہیڈلائٹ پر لگائی جائے گی۔ پنجاب ایکسائز اینڈ ٹیکسیشن ڈیپارٹمنٹ کے حکام کی طرف سے تیسری نمبرپلیٹ کی منظوری کے لیے صوبائی حکومت سے رابطہ کر لیا گیا ہے ۔

رپورٹ کے مطابق حکومت کی طرف سے منظوری ملنے کے بعد تمام گاڑیوں اور موٹرسائیکلوں پر تیسری نمبرپلیٹ لگانے کی مہم شروع ہو جائے گی۔ ڈیپارٹمنٹ کی طرف سے تجویز دی گئی ہے کہ اس تیسری نمبر پلیٹ کی فیس 1ہزار 50روپے رکھی جائے۔ اس تیسری نمبرپلیٹ میں گاڑی یا موٹرسائیکل کے مالک کا تمام ڈیٹا شامل ہو گا۔