وزیراعظم عمران خان کی قیادت میں پارٹی متحد ہے،عثمان بزدار

تفصیلات کے مطابق  وزیراعلیٰ پنجاب  عثمان بزدار سے ترین گروپ کے رکن پنجاب اسمبلی سید رفاقت علی گیلانی کی ملاقات ہوئی ہے،ملاقات میں  سید رفاقت علی گیلانی نے وزیراعلیٰ عثمان بزدار کی قیادت پر اعتماد کا اظہار کیا ہے۔

وزیر اعلی پنجاب عثمان بزدار کا کہنا ہے کہ  وزیراعظم عمران خان کی قیادت میں پارٹی متحد ہے، پارٹی میں خلیج ڈالنے والوں کی کوئی سازش کامیاب نہیں ہوگی، وزیراعظم عمران خان نے پاکستان کو درست سمت کی طرف گامزن کیا ہے، کسی کو ترقی کے سفر میں رخنہ نہیں ڈالنے دیں گے۔

عثمان بزدار نے کہا کہ  پنجاب میں پہلی بارحقیقی ترقی کے ثمرات عوام تک پہنچ رہے ہیں، رمضان پیکیج کے تحت صوبے کے عوام کو ریلیف فراہم کریں گے۔