اسپیکر نے آج  پارلیمانی قانون کو پیروں تلے روند دیا : شہباز شریف

تفصیلات کے مطابق قومی  اسمبلی اجلاس ملتوی ہونے کے بعد  اپوزیشن لیڈر قومی اسمبلی شہبازشریف نے بلاول بھٹو کے ہمراہ  کے بعد میڈیا  سے گفتگو کرتے ہوئے کہاکہ آج  دیکھا کہ اسپیکر نے عمران نیازی کیساتھ مل کر سازش کی اور آرٹیکل 6 کے مرتکب ہوئے  ۔

انہوں نے کہا کہ تحریک عدم اعتماد اور اجلاس کی ریوزیشن 8 مارچ کو پیش کی گئی، اسپیکر 14 روز میں اجلاس بلانے کا پابند تھا، تاریخ کو 14 دن ہو گئے تھے۔  شہبازشریف نے کہا کہ ڈنکے کی چوٹ پر کہا کہ او آئی سی اجلاس کے باعث احتجاج نہیں کرینگے، کیا وجہ تھی کہ اسپیکر 21 سے پہلے اجلاس نہیں بلا سکے۔ 

شہبازشریف نے کہا کہ سپیکر پہلے اجلاس بلا سکتے تھے لیکن انہوں نے نیازی کے ساتھ گٹھ جوڑ کیا، آج دعا کے بعد  کھڑا ہوا لیکن سپیکر  نے موقع نہیں دیا  ، دعا کے بعد اجلاس ملتوی کرنا روایت ہے لیکن قانون روایت سے بالاتر ہے۔ 

بلاول بھٹو زرداری نے اس موقع پر کہا کہ وزیراعظم مقابلے سے بھاگ رہے ہیں ،  کپتان پچ چھوڑ کر بھاگ رہا ہے، آج فاتحہ خوانی کا بہانہ تھا، بلکل روایت ہے، تحریک  پیش ہونے کے بعد انھوں نے پارلیمان پر حملہ کیا اور سندھ ہاؤس پر حملہ کر کے دہشت پھیلانے کی کوشش کی۔ 

انہوں نے کہا کہ یہ بھاگنے کے لیے ہر حربہ استعمال کر رہے ہیں ، اپوزیشن جماعتیں متحد ہیں، ہم عمران کوبھاگنے نہیں دینگے۔