شہباز شریف اور بلاول بھٹو لفٹ بند ہونے  کی وجہ سے پھنس گئے

اسلام آباد : شہباز شریف اور بلاول بٹھو زرداری لفٹ میں پھنس گئے ۔

تفصیلات کے مطابق اپوزیشن لیڈر اور بلاول بھٹوزردارقومی اسمبلی کی لفٹ میں عارضی بندش کی وجہ سے مشکل میں پڑ گئے ، لفٹ میں  شہباز شریف اور بلاول بھٹو کے علاوہ  مولانا اسعد بھی موجود تھے ۔

واضح رہے کہ اسپیکر اسد قیصر نے قومی اسمبلی کا آج ہونے والا اجلاس مرحوم اراکین کے لیے دعائے مغفرت کے بعد پیر 28 مارچ تک ملتوی کردیا۔ اسپیکر قومی اسمبلی اسد قیصر کی زیر صدارت ہونے والے  اجلاس میں مرحوم اراکین اسمبلی، سابق صدر رفیق تارڑ، سینیٹر رحمان ملک، پشاور مسجد دھماکے میں شہید ہونے والوں اور وفات پانے والے دیگر اراکین کے لیے دعائے مغفرت کی گئی۔

وفاقی وزیر پیر نور الحق قادری کی جانب سے دعائے مغفرت کے بعد اسپیکر قومی اسمبلی نے اجلاس پیر 28 مارچ تک ملتوی کرنے کا اعلان کیا۔ اسد قیصر کا کہنا تھا کہ قومی اسمبلی کی روایات کا حصہ ہے کہ اگر کسی رکن پارلیمنٹ کا انتقال ہوا ہو تو اس روز کا اجلاس ایک روز کے لیے ملتوی کر دیا جاتا ہے اور میں بھی اس روایات کو برقرار رکھتے ہوئے ایک روز کے لیے اجلاس ملتوی کرنے کا اعلان کرتا ہوں۔

اسد قیصر کا مزید کہنا تھا کہ اپوزیشن کی جانب سے پیش کی گئی تحریک عدم اعتماد پر قوانین کے مطابق کارروائی کروں گا۔