جے یو آئی (ف) کو اسلام آباد میں جلسہ کیلئے این او سی کی خلاف ورزی پر نوٹس جاری

اسلام آباد ضلعی انتظامیہ کے مطابق مولانا عبدالمجید ہزاروی نے معاہدے کی خلاف ورزی کی، معاہدے میں کہا گیا تھا کہ ریلی کسی بھی قسم کی ٹریفک جام کا حصہ نہیں بنے گی۔

انتظامیہ نے کہا کہ جے یو آئی (ف) نے جلسے کا اسٹیج روڈ کے درمیان میں لگایا ہے، سری نگر ہائی پر ٹریفک کو روکنا معاہدے کی خلاف ورزی ہے۔

 انتظامیہ کے مطابق معاہدے کی خلاف ورزی پر جے یو آئی (ف) کو شوکاز نوٹس جاری کیا گیا ہے، اگر شوکاز نوٹس کا جواب نہ دیا گیا تو این او سی کینسل کر دیا جائے گا۔

بعد ازاں جے یو آئی (ف) نے ضلعی انتظامیہ کو اسلام آباد میں جلسے کے لئے سڑک بند نہ کرنے کی یقین دہانی کرادی۔

ذرائع کے مطابق جمعیت علمائے اسلام (ف) نے اسلام آباد میں جلسے کے لئے ضلعی انتظامیہ کوسڑک بند نہ کرنے کی یقین دہانی کرادی۔

ذرائع کا کہنا ہے کہ جے یوآئی (ف) نے  انتظامیہ کو سڑک بند نہ کرنے کی تحریری طورپر یقین دہانی کرائی۔

ذرائع کے مطابق جے یو آئی کی یقین دہانی کے بعد ضلعی انتظامیہ نے 26 تاریخ کے جلسے کیلئے این او سی جاری کردیا۔