وزیراعظم عمران خان کل ای پاسپورٹ کا اجراء کرینگے، شیخ رشید

سماجی رابطے کی ویب سائٹ ٹوئٹر پر ایک ٹویٹ میں وفاقی وزیر داخلہ شیخ رشید نے کہا کہ  وزیراعظم عمران خان کل ای پاسپورٹ کا اجراء کرینگے،  نئے بائیو میٹرک پاسپورٹ میں الیکٹرانک چپ استعمال کی جائے گی۔

ای پاسپورٹ سے دنیا بھر کے ائیر پورٹس پر ای گیٹ کی سہولت سے استفادہ کیا جاسکے گا۔

ابتدائی طور پر ای پاسپورٹ کی سہولت سفارتی اور سرکاری پاسپورٹس کے لئے ہوگی۔
2/2

— Sheikh Rashid Ahmed (@ShkhRasheed) March 29, 2022

شیخ رشید نے کہا کہ  ای پاسپورٹ میں جدید ترین 29 نئے سکیورٹی فیچرز شامل کیےگئے ہیں، ای پاسپورٹ ، 2004 کے بعد پاکستانی سفری دستاویز کی سب سے بڑی اپگریڈیشن ہے۔ان کا کہنا تھا کہ  ای پاسپورٹ سے دنیا بھر کے ائیر پورٹس پر ای گیٹ کی سہولت سے استفادہ کیا جاسکے گا،  ابتدائی طور پر ای پاسپورٹ کی سہولت سفارتی اور سرکاری پاسپورٹس کے لئے ہوگی۔