وزیراعظم کا دھمکی آمیز خط سینیئر صحافیوں، اتحادیوں کو دکھانے کا اعلان

تفصیلات کے مطابق وزیراعظم عمران خان نے آج اسلام آباد میں الیکٹرانک پاسپورٹ کی سہولت کے اجرا کی تقریب سے خطاب کرتے ہوئے کہا کہ تحریک عدم اعتماد ایک غیر ملکی سارش ہے، یہ ان لوگوں کی سازش ہے کہ جو نہیں چاہتے کہ پاکستان کی خود مختار پالیسی ہو۔

اسلام آباد جلسے میں دکھائے گئے خط کے حوالے سے وزیراعظم نے کہا کہ اس دستاویز میں بیرونی سازش واضح ہے ، میرے پاس بیرونی سازش کے ثبوت ہیں ، سینئر صحافیوں اور اتحادی جماعتوں کیساتھ بھی ثبوت شئیر کیے جائینگے لوگوں نے جو بھی فیصلہ کرنا ہے کریں۔

 انہوں نے کہا کہ  ملکوں میں سیاسی بحران آتے رہتے ہیں، یہ کوئی نئی چیز نہیں ہے، ایک امپورٹڈ بحران ہے۔

وزیراعظم نے کہا کہ دنیا میں ٹیکنالوجی نے لوگوں کی زندگی آسان کر دی، ٹیکنالوجی نے کرپشن کا عنصر بھی کم کر دیا، بائیس سال پہلے شوکت خانم میں سارا ریکارڈ پیپر لس کر دیا تھا،ریکارڈ کمپیوٹرائز  کرنے سے پرچی کے ذریعے ہونے والی کرپشن ختم ہو گئی ۔  انہوں نے کہا کہ ایک کرپشن بڑے بڑے ٹھیکوں میں ہوتی ہے، این ایچ اے میں جو کرپشن کی گئی اس کا اپ اندازہ نہیں لگا سکتے جس سے ملک کو نقصان ہوتا ہے۔