متحدہ اپوزیشن نے پارلیمانی پارٹیوں کا مشترکہ اجلاس طلب کر لیا

تفصیلات کے مطابق قائد حزب اختلاف شہباز شریف کی زیر صدارت پارلیمانی پارٹیوں کا اجلاس کل سہہ پہر 3 بجے پارلیمنٹ ہاؤس میں ہوگا۔

اپوزیشن ذرائع کا کہنا ہے کہ پارلیمانی جماعتوں کے اجلاس میں تحریک عدم اعتماد کے حوالے سے حکمت عملی پر غور ہو گا۔

واضح رہے کہ کل قومی اسمبلی کا اجلاس 4 بجے طلب کیا گیا ہے، اجلاس میں  وزیراعظم عمران خان کے خلاف تحریک عدم اعتماد کی قرارداد پر بحث ہوگی۔

یہ بھی یاد رہے کہ وفاقی وزیر داخلہ شیخ رشید نے زیر بحث دھمکی آمیز خط پر اسمبلی کے اِن کیمرہ اجلاس کا عندیہ دیا ہے۔

اسلام آباد میں میڈیا سے گفتگو کے دوران ان کا کہنا تھا کہ ممکن ہے اِن کیمرہ اسمبلی میں وزیراعظم عمران خان یا شاہ محمود قریشی خطاب کریں۔