ڈاکٹر عامر لیاقت دل میں تکلیف کے باعث ہسپتال کی ایمرجنسی میں داخل

کراچی:  رکن قومی اسمبلی اور ٹی وی میزبان عامر لیاقت حسین کی طبیعت ناساز ہوگئی جس کے باعث انہیں ہسپتال کے ایمرجنسی وارڈ میں داخل کیا گیا ہے۔

تفصیلات کے مطابق عامر لیاقت نے طبیعت ناسازی کی خبر اپنے ٹوئٹر اکاو¿نٹ پر خود دی اور لکھا رکن قومی اسمبلی ڈاکٹر عامر لیاقت حسین کو دل کی تکلیف کے باعث ایمرجنسی لے جایا گیا۔عامر لیاقت نے ٹوئٹ میں مزید بتایا کہ ان کی طبیعت ناسازی کا سن کر وزیر اعظم نے اظہار تشویش کیا ہے اور ڈاکٹرز کو توجہ دینے کی ہدایت بھی کی۔

عامر لیاقت نے ہسپتال میں اپنے ساتھ موجود اراکین سے مکالمہ کرتے ہوئے کہا کہ وہ وزیراعظم سے ملنے ضرور جائیں گے۔عامر لیاقت نے اس پیغام کے ساتھ ہسپتال سے اپنی تصویریں بھی شیئر کیں جن میں وہ ہسپتال کے بیڈ پر لیٹے ہوئے ہیں اور ان کا علاج جاری ہے۔

رکن قومی اسمبلی ڈاکٹر عامر لیاقت حسین کو دل کی تکلیف، ایمرجنسی لے جایا گیا، وزیراعظم کا اظہار تشویش، ڈاکٹرز کو توجہ دینے کی ہدایت، کل ویراعظم سے ملنے ضرور جاؤں گا ، عامر لیاقت کا ساتھ موجود اراکین سے مکالمہ@ImranKhanPTI @AliHZaidiPTI @Asad_Umar pic.twitter.com/Adzmi4GoiG

— Aamir Liaquat Husain (@AamirLiaquat) April 1, 2022