ڈالر 69 پیسے مزید مہنگا ہوگیا

زکوٰۃ کٹوٹی کے سبب گذشتہ کاروباری ہفتے میں پیر کے روز بینک پبلک ڈیلنگ کے لئے بند رہے۔ منگل کو انٹربینک میں کاروبار کا آغاز 184 روپے 9 پیسے سے ہوا۔

ڈپٹی اسپیکر کی تحریک عدم اعتماد پر رولنگ اور اس کے نتیجے میں پیدا ہونے والی صورتحال کے سبب روپے کی قدر گراوٹ کا شکار رہی۔ 
 
ڈالر ہر گزرتے دن تاریخ کی بلند ترین سطح پر بند ہوا۔ منگل کو ڈالر 185 روپے 23 پیسے اور بدھ کو 186 روپے 12 پیسے پر بند ہوا اور جمعرات کو 188 روپے 17 پیسے پر بند ہوا ہے۔

جمعرات کے روز کاروبار کے دوران ڈالر نے تاریخ کی بلند ترین سطح 189 روپے 30 پیسے پر کاروبار کیا۔

جمعرات کو سپریم کورٹ کے ڈپٹی اسپیکر کے فیصلے کو کالعدم قرار دینے اور اسٹیٹ بینک آف پاکستان کا شرح سود ڈھائی فیصد بڑھانے کا فیصلہ منظر عام پر آیا۔ جس کی وجہ سے جمعے کے روز روپے پر دباؤ کم ہوا اور کاروبار کا اختتام 184 روپے 68 پیسے پر ہوا۔

Interbank closing #ExchangeRate for todayhttps://t.co/KSyefbNHGP pic.twitter.com/YDPo2z96E2

— SBP (@StateBank_Pak) April 8, 2022