وزیر اعظم شہباز شریف کے دورۂ سعودی عرب، چین کی تیاری

ذرائع کے مطابق نو منتخب وزیر اعظم  شہبازشریف کے دورۂ سعودی عرب کے لیے گراؤنڈ ورک کا آغاز کردیا گیا ہے ۔

ذرائع کا کہنا ہے  کہ دورۂ سعودی عرب بطور وزیراعظم شہباز شریف کا کسی بھی ملک کا پہلا دورہ ہوگا ۔ شہباز شریف کا دورہ سعودی عرب رواں ماہ کے آخری ہفتے میں ہونے کا امکان ہے۔

علاوہ ازیں نو منتخب وزیر اعظم شہباز شریف کے دورۂ چین کا بھی امکان ہے۔  ذرائع کا کہنا ہے کہ وزارت خارجہ کی جانب سے دونوں متوقع دوروں پر کام جاری ہے۔

واضح رہےکہ مسلم لیگ ن کے مرکزی صدر  شہباز شریف گزشتہ روز قومی اسمبلی سے 174ووٹ لے کر پاکستان کے 23 ویں وزیراعظم  منتخب ہوئے ہیں۔