وزیراعظم کا مبارکباد پر بھارتی ہم منصب کوشکریہ ، پرامن تعلقات کا پیغام دے دیا

تفصیلات کے مطابق بھارتی وزیراعظم نریندر مودی نے شہباز شریف کو وزارت عظمیٰ کا عہدہ سنبھالنے پر مبارکباد دی تھی جس پر وزیراعظم شہباز شریف نے ان کا شکریہ ادا کیا ہے۔

وزیراعظم شہباز شریف نے جوابی ٹویٹ میں  بھارتی وزیراعظم نریندر مودی سے کہا کہ پاکستان بھارت کے ساتھ پر امن اور باہمی تعاون پر مبنی تعلقات کا خواہاں ہے، جموں و کشمیر سمیت باقی تنازعات کا پرامن حل ناگزیر ہے۔

Thank you Premier Narendra Modi for felicitations. Pakistan desires peaceful & cooperative ties with India. Peaceful settlement of outstanding disputes including Jammu & Kashmir is indispensable. Pakistan's sacrifices in fighting terrorism are well-known. Let's secure peace and.. https://t.co/0M1wxhhvjV

— Shehbaz Sharif (@CMShehbaz) April 12, 2022

وزیراعظم شہباز شریف نے کہا کہ  دہشت گردی کے خلاف جنگ میں پاکستان کی قربانیاں سب جانتے ہیں۔

وزیراعظم نے نریندرمودی کو پیغام دیا کہ آئیں من کو محفوظ بنائیں اور   اپنے عوام کی سماجی و اقتصادی  ترقی پر توجہ دیں۔

خیال رہے کہ  شہباز شریف ملک کے 23 ویں وزیراعظم منتخب ہوئے ہیں  جس کے بعد مختلف ممالک کی جانب سے انہیں تہنیتی پیغامات دیے جارہے ہیں ۔