صوبہ پنجاب میں بلدیاتی انتخابات کے پہلے مرحلےکا شیڈول جاری

تفصیلات کے مطابق الیکشن کمیشن آف پاکستان نے صوبہ پنجاب میں بلدیاتی انتخابات کے پہلے مرحلے کا  شیڈول جاری کر دیا ہے۔

الیکشن کمیشن کے شیڈول کے مطابق کاغذات نامزدگی 21 اپریل سے 25 اپریل تک جمع کرائے جا سکیں گے۔

جمع کروائے گئے کاغذات نامزدگی کی جانچ  پڑتال 27 اپریل سے 9  مئی تک ہو گی۔ 

الیکشن کمیشن کے نوٹیفکیشن کے مطابق کاغذات نامزدگی منظور یا مسترد ہونے کے خلاف اپیلیں 10 سے 12 مئی تک دائر کی جائیں گی اور ان اپیلوں پر کارروائی کا عمل 14 مئی تک مکمل کر لیا جائے گا۔

امیدواران کی جانب سے کاغذات نامزدگی 19 مئی تک واپس لیے جا سکیں گے جبکہ انتخابی نشان 20 مئی کو الاٹ کیے جائیں گے۔

الیکشن کمیشن نے صوبہ پنجاب میں بلدیاتی انتخابات کے پہلے مرحلے کے لئے الیکشن شیڈول جاری کر دیا#ECP #Electioncommissionofpakistan pic.twitter.com/hm5dZXBBss

— Election Commission of Pakistan (OFFICIAL) (@ECP_Pakistan) April 14, 2022

واضح رہے کہ صوبہ پنجاب میں بلدیاتی انتخابات دو مرحلوں میں کروانے کا فیصلہ کیا گیا تھا۔

پہلے مرحلے میں ڈی جی خان، راجن پور، مظفر گڑھ، لیہ، خانیوال، ویہاڑی، بہاولپور، ساہیول، ٹوبہ ٹیک سنگھ، چنیوٹ، سیالکوٹ، خوشاب، سیالکوٹ، حافظ آباد، منڈی بہاولدین، جہلم اور اٹک میں انتخابات کا عمل مکمل کیا جائے گا۔