رنبیر کپور اور عالیہ بھٹ شادی کے بندھن میں بندھ گئے

تفصیلات کے مطابق معروف بولی اسٹار رنبیر کپور اور عالیہ بھٹ باقاعدہ طور پر شادی کے بندھن میں بندھ گئے ہیں۔

شادی کے چند گھنٹے بعد عالیہ بھٹ نے شادی کی تقریب کی کچھ تصاویر انسٹاگرام پر شیئر کرتے ہوئے شادی کی تصدیق کی۔

عالیہ بھٹ نے اپنی شادی کی تصدیق کرتے ہوئے نیک تمناؤں کا اظہار کرنے پر مداحوں کا شکریہ بھی ادا کیا۔

اپنی انسٹاگرام کی پوسٹ کے ذریعے عالیہ بھٹ نے مداحوں کو بتایا کہ ان دونوں نے اسی بالکونی پر نئی زندگی کا آغاز کیا ہے جس بالکونی پر ہم نے اپنے تعلق کے گزشتہ پانچ سال گزارے ہیں۔

بتایا گیا ہے کہ رنبیر کپور اور عالیہ بھٹ کی شادی کی تقریبات 13 اپریل کو ممبئی میں شروع ہوئی تھیں۔

شادی کی تقریب میں دلہا دلہن کے قریبی دوست اور اہل خانہ سمیت کاروباری اور معروف شخصیات نے بھی شرکت کی۔