ن لیگ نے تحریک انصاف کے جلسوں پر جوابی حکمت عملی تیار کرلی

 ذرائع مسلم لیگ ن کے مطابق لیگی قیادت نے عید کے فوری بعد پنجاب کے بڑے شہروں میں عوامی جلسوں کا فیصلہ کیا ہے۔

جلسوں سے مسلم لیگ ن کی نائب صدر مریم نواز اور حمزہ شہباز مشترکہ طور پر خطاب کریں گے۔

مسلم لیگ ن کی قیادت نے پنجاب کے صدر رانا ثناءاللہ خاں کو جلسوں کا شیڈول تیار کرنے کی ہدایت کر دی ہے۔

بتایا گیا ہے کہ مسلم لیگ ن نے عام انتخابات کی تیاریوں کے حوالے سے سرگرمیاں شروع کرنے کا فیصلہ کر لیا ہے۔

حکمت عملی کے تحت مریم نواز، حمزہ شہباز عوامی محاذ اور شہباز شریف حکومتی محاذ سنبھالیں گے۔

ذرائع کا کہنا ہے کہ مسلم لیگ ن کے قائد نواز شریف نے وزیر اعظم شہباز شریف کو عوام کو مزید ریلف دینے کی ہدایت کی ہے۔

پارٹی قائد کی ہدایت پر شہباز شریف عنقریب عوام کو اشیاء خوردونوش اور پیٹرولیم مصنوعات میں ریلف دیں گے۔

اس ضمن میں وزیراعظم شہباز شریف نے اپنی معاشی ٹیم کو عوامی ریلف دینے کے حوالے سے اہم ہدایات بھی جاری کی ہیں۔