وزیراعظم کا خادم حرمین شریفین اور ولی عہد کے تہنیتی پیغامات پر اظہار تشکر

تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹوئٹر پر ایک پیغام میں لکھا کہ ’میں خادمین حرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کے تہنیتی پیغامات کا شکریہ ادا کرتا ہوں۔

وزیراعظم شہباز شریف نے  لکھا کہ پاکستان اور سعودی عرب کے تعلقات خصوصی نوعیت کے ہیں جن کی اساس غیرمعمولی اعتماد پر ہے۔

ان کاکہنا تھا کہ میں سٹریٹیجک شراکت داری کے اپنے مشترکہ ویژن کو پایۂ تکمیل تک پہنچانے کے لیے مل کر کام کرنے کے لیے پُرعزم ہوں۔

I thank the Custodian of Two Holy Mosques HM King Salman bin Abdulaziz & HRH Crown Prince Mohammed bin Salman for felicitation messages. Pak-Saudi relations are special & marked by exceptional trust. I resolve to work closely to realize our shared vision of strategic partnership!

— Shehbaz Sharif (@CMShehbaz) April 15, 2022

خیال رہے کہ خادم حرمین الشریفین شاہ سلمان اور سعودی ولی عہد شہزادہ محمد بن سلمان نے بدھ کو پاکستان کے وزیراعظم شہباز شریف کو عہدے کا حلف اٹھانے پر ایک  پیغام میں مبارکباد دی تھی۔

واضح  رہے کہ 11 اپریل  کو ملک کے 23واں وزیراعظم منتخب ہونے کے بعد دیگر ممالک کے سربراہان سمیت  بھارتی وزیراعظم نریندر مودی نے بھی شہباز شریف کو مبارک دی تھی۔