فلپائن میں سمندری طوفان "میگی"کی تباہ کاریاں، 167 افراد ہلاک

تفصیلات کے مطابق فلپائن میں سمندری طوفان "میگی" کی تباہ کاریوں نے 167 افراد کی جان لے لی ہے جبکہ 110 افراد تاحال لاپتہ ہیں۔

غیر ملکی خبر رساں ادارے کے مطابق سمندری طوفان کے باعث حادثات میں 2 لاکھ 10ہزار سے زائد افراد بےگھر ہوئے ہیں۔

سمندری طوفان "میگی" کے سبب وسطی اور جنوبی فلپائن موسلا دھار بارشوں کی لپیٹ میں رہا۔

لینڈ سلائیڈنگ کی وجہ سے سینکڑوں مکانات تباہ ہوئے جبکہ متعدد اسکولوں کو بند کرکے پناہ گاہوں میں تبدیل کیا جا چکا ہے۔

خبر ایجنسی کے مطابق سمندری طوفان کے باعث مجموعی طور پر تقریباً 20 لاکھ افراد متاثر ہوئے ہیں۔