بجلی کی قیمتوں میں 3 روپے 15 پیسے فی یونٹ اضافے کا امکان

تفصیلات کے مطابق سینٹرل پاور پرچیزنگ ایجنسی  (سی پی پی اے)    نے  نیپرا میں درخواست جمع کروادی ۔  (سی پی پی اے)   کی جانب سے بجلی کی قیمتوں میں اضافہ کی درخواست ماہانہ فیول ایڈجسٹمنٹ کی مد میں درخواست دائر  کی گئی ہے ، 

 درخواست میں کہا گیا ہے کہ  مارچ کے مہینے میں 10 ارب یونٹ بجلی پیدا ہوئی ، بجلی کی پیداواری لاگت 94 ارب روپے رہی، فرنس آئل سے 22 روپے 52 پیسے فی یونٹ میں مہنگی ترین بجلی پیدا کی گئی۔ 

سی پی پی اے  نے درخواست میں کہا ہے کہ ایل این جی سے پیداہونےوالی بجلی کی لاگت 14 روپے 36 پیسے فی یونٹ رہی ، 17 روپے 35 پیسے فی یونٹ میں ایران سے بجلی درآمد کی گئی جبکہ 27 پیسے فی یونٹ بجلی لائن لاسزکی نذرہوگئی ۔

منظوری کی صورت میں صارفین پر30 ارب روپے کا اضافی بوجھ پڑے گا۔ 

نیپرا اس درخواست پر 27 اپریل کو سماعت کے بعد فیصلہ کرے گا۔