جمہوری وزیر اعظم کو امریکہ نے کیوں ہٹایا؟ عمران خان نے وضاحت میں ویڈیو شیئر کر دی

سماجی رابطے کی ویب سائیٹ ٹوئیٹر پر چیئرمین تحریک انصاف عمران خان نے ایک ویڈیو شیئر کی ہے جس میں امریکی دفاعی تجزیہ کار ریبیکا گرانٹ نے اعتراف کیا ہے کہ سابق وزیر اعظم عمران خان کو عدم اعتماد سے ہٹانے میں امریکہ کا کردار تھا۔

سابق وزیر اعظم نے کہا کہ بدیلی اقتدارکی امریکی سازش کےبارے میں اگر کوئی ابہام تھا بھی تو اس ویڈیوکے بعد باقی وہ نہیں رہناچاہیے۔

انہوں نے کہا کہ ایک منتخب جمہوری وزیراعظم کو اس کی حکومت سمیت ہٹایا گیا۔ صاف ظاہر ہے کہ امریکہ ایک ایسے تابعدار اور کٹھ پتلی کو وزیر اعظم پاکستان دیکھنا چاہتا ہے جو یورپی جنگ میں پاکستان کوغیرجانبدار رہنے دے، جو امریکی مطالبات کےسامنے سرِتسلم خم کرے؛ جو روس کے ساتھ کیے معاہدوں سے باز رہے اور چین کے ساتھ ہمارے اسٹریٹیجیک اشتراک میں کمی لائے۔

انہوں ے کہا امریکی پالیسی یہ ہے کہ اگرایک وزیراعظم پاکستان کی خودمختاری اورآزادخارجہ پالیسی پراصرارکرتاہےتواسےہٹایا جائے گا اوراس کی جگہ شہبازشریف جیسےایک غلام مجرم کو وزراتِ عظمیٰ پر بٹھایاجائےگا۔

If anyone had any doubts abt US regime change conspiracy this video should remove all doubts as to why a democratically elected PM & his govt were removed. Clearly the US wants an obedient puppet as PM who will not allow Pak choice of neutrality in a European war; pic.twitter.com/rqFW8yQRvZ

— Imran Khan (@ImranKhanPTI) May 2, 2022

سابق وزیر اعظم نے اپنے ٹوئیٹ میں کہا کہ یہ ویڈیو حکومت تبدیلی کی اس امریکی سازش کی تصدیق ہے جو واشنگٹن میں ہمارےسفیرکےامریکی محکمہ خارجہ کےافسر ”Lu“ کی دھمکیوں پرمشتمل خفیہ مراسلے سےیکسرواضح تھی۔

انہوں نے کہا کہ یقیناًچیف جسٹس آف پاکستان کی ذمہ داری ہےکہ اس سازش میں کارفرماعناصرکی نشاندہی کے لیے کمیشن بنائیں اورکھلی سماعت کااہتمام کریں۔

واضح رہے کہ امریکی دفاعی تجزیہ کار ریبیکا گرانٹ نے اپنے انٹرویو کے ایک وائرل کلپ میں اعتراف کیا ہے کہ عمران خان کو عدم اعتماد سے ہٹانے میں امریکہ کا کردار تھا۔

انہوں نے کہا کہ پاکستان کو امریکہ مخالف پالیسز کو ختم کرنا ہوگا، یوکرین کی حمایت کرنے ہوگی اور روس کے ساتھ معاہدے ختم کرنے ہوں گے،انہوں نے پاکستان کو چین کے ساتھ بھی تعلقات کم کرنے کا کہا کہ اسی وجہ سے عمران خان کی حکومت کو عدم اعتماد پر ختم کر دیا گیا۔