صدقہ فطر کی کم سے کم رقم 170 روپے ہے:مفتی منیب الرحمان

تفصیلات کے مطابق مرکزی رویت ہلال کمیٹی کے سابق چیئرمین اور معروف عالم دین مفتی منیب الرحمان نے روان سال کے لیے صدقہ فطر اور فدیہ کی رقم کا اعلان کیا ہے۔

مفتی منیب الرحمان نے کہا ہے کہ رواں سال ماہ صیام میں صدقہ فطر اور فدیہ کی کم از کم قیمت 170 روپے مقرر کی گئی ہے۔

انہوں نے کہا کہ گندم کے 2 کلو آٹے کے حساب سے فطر کی رقم 170 روپے، جبکہ 4 کلو گرام جو کے حساب سے فطر کی رقم 480 روپے فی کس رکھی گئی ہے۔

اسی طرح 4 کلو کھجور کے حساب سے 1600، 4 کلو کشمش درجہ اول کے حساب سے 2800 جبکہ 4 کلو کشمش درجہ دوم کے حساب سے فطر کی رقم 2200 روپے رکھی گئی ہے۔

مفتی منیب الرحمان نے کہا کہ گندم کے حساب سے یہ فطر، فدیہ اور کفارات کی کم سے کم رقم ہے، جن حضرات کو اللہ تعالیٰ نے وافر دولت سے نوازا ہے وہ اپنی مالی حیثیت کو پیش نظر کھجور، کشمش یا پنیر کے حساب سے فطر، فدیہ اور کفارات ادا کریں۔