اشتراوصاف اٹارنی جنرل  پاکستان تعینات

تفصیلات کے مطابق وزارت قانون نے اٹارنی جنرل کی تعیناتی کا نوٹیفکیشن جاری کردیا ۔  

صدر ڈاکٹر عارف علوی نے اشتراوصاف علی کو ملک کا اٹارنی جنرل مقرر کرنے کی منظوری دے  دی ہے ۔ انہوں نے یہ منظوری وزیر اعظم کی سفارش پر آئین کے آرٹیکل 100 کی شق ایک کے تحت دی۔

خالد جاوید خان کے مستعفی ہونے کے بعد اٹارنی جنرل کا عہدہ خالی تھا۔اور وزیراعظم شہباز شریف نے گزشتہ ہفتے اشتر اوصاف کو اٹارنی جنرل تعینات کرنے کا فیصلہ کیا تھا۔

اشتراوصاف علی سابق وزیراعظم نوازشریف کے دور میں بھی اٹارنی جنرل رہ چکے ہیں۔

اس کے علاوہ وہ 16-2015 میں وزیراعظم کے اسپیشل اسسٹنٹ قانون وانصاف رہ چکے ہیں  جب کہ دو مرتبہ ایڈووکیٹ جنرل پنجاب کی ذمہ داریاں بھی  اداکر چکے ہیں۔