برطرف گورنر پنجاب کی آئینی ماہرین کے ساتھ مشاورت

جی این این کے مطابق برطرف گورنر  پنجاب عمر سرفراز چیمہ لاہور پہنچ گئے ، برطرف گورنر پنجاب عمر سرفراز چیمہ کی  قانونی ماہرین سے مشاورت جاری  ہے ۔ 

عمر سرفراز چیمہ کا کہنا ہے کہ عمران خان کا سپاہی ہوں کسی غیر آئینی کام کا حصہ نہیں بنوں گا ۔

واضح رہے کہ حکومت پاکستان نے گورنر پنجاب عمر سرفراز چیمہ کو عہدے سے ہٹانے کا نوٹیفکیشن جاری کیا ہے ۔ جاری نوٹیفکیشن میں کہا گیا ہے کہ گورنر پنجاب کو وزیراعظم کی ایڈوائس پر عہدے سے ہٹایا گیا۔

قبل ازیں صدر مملکت عارف علوی نے گورنر پنجاب کو ہٹانے کی وزیراعظم کی ایڈوائس مسترد کردی تھی۔

صدر کا کہنا تھا کہ گورنر پنجاب کو صدر کی منظوری کے بغیر نہیں ہٹایا جاسکتا ، آئین کے آرٹیکل 101 کی شق 3 کے مطابق گورنر، صدر کی رضامندی تک رہے گا۔