نواز شریف نے لندن میں پارٹی کی سینئر قیادت کا ہنگامی اجلاس طلب کرلیا 

تفصیلات کے مطابق ملک کی موجودہ معاشی اور سیاسی صورتحال کے پیش نظر مسلم لیگ ن کے قائد نوازشریف نے ن لیگ کی سینئر قیادت کا لندن میں ہنگامی اجلاس طلب کرلیا۔

نون لیگ کی سینئر قیادت لندن میں اجلاس کیلئے کل سے روانہ ہوگی ، وزیر اعظم شہباز شریف آج رات لندن روانہ ہوں گے ، ان کے ہمراہ وزیرداخلہ رانا ثنا اللہ بھی موجود ہونگے ۔ 

 شہباز شریف آج برٹش ایئر ویز کی پرواز بی اے 260 کے ذریعے اسلام آباد روانہ ہوں گے، اسلام آباد ایئرپورٹ پر تمام تر تیاریاں مکمل کر لی گئی ہیں۔ شہبازشریف ایک روز قیام کے بعد وطن واپس آئیں گے ۔ 

اجلاس کل نواز شریف کے صاحبزادے حسین نواز کے دفتر میں ہوگا ۔   شاہد خاقان عباسی پہلے ہی لندن میں موجود ہیں جبکہ خرم دستگیر، احسن اقبال، سعد رفیق،  اور مریم اورنگزیب بھی  اجلاس میں شریک ہونگے ۔