چیف جسٹس مراسلے کی تحقیقات کے لیے عدالتی کمیشن بنائیں:صدر

تفصیلات کے مطبق صدر پاکستان ڈاکٹرعارف علوی نے حکومت کی تبدیلی کی مبینہ سازش کے حوالے سے سابق وزیراعظم عمران خان کے خط کا جواب دیا ہے جس میں انہوں نے مبینہ سازش کی مکمل تحقیقات کرنے پر زور دیا۔

صدر مملکت نے کہا ہے کہ حکومت کی تبدیلی کی مبینہ سازش کی مکمل تحقیقات کرنے کی ضرورت ہے، چیف جسٹس معاملے کی تحقیقات اورسماعت کے لیے با اختیارعدالتی کمیشن قائم کریں۔

صدر مملکت نے خط میں کہا کہ عالمی سطح پر بھی سازشوں کی تصدیق عشروں بعد خفیہ دستاویزات جاری کرنے کے بعد ہوتی ہے،لمبے عرصے بعد خفیہ دستاویزات جاری کرنے تک ملکوں کو شدید نقصان پہنچ چکا ہوتا ہے۔

صدر مملکت ڈاکٹر عارف علوی کا سابق وزیراعظم عمران خان کے خط کا جواب

صدر مملکت نے خط میں حکومت میں تبدیلی لانے کے لیے مبینہ سازش کی مکمل تحقیقات کرنے پر زور دیا۔ pic.twitter.com/TdKCMB3wzv

— The President of Pakistan (@PresOfPakistan) May 10, 2022

خط میں صدر پاکستان کی جانب سے کہا گیا ہے کہ انہوں نے ڈونلڈ لو کے بیانات پر مبنی سائفرکی رپورٹ پڑھی جس میں خاص طور پرعدم اعتماد کی تحریک کا ذکر کیا گیا، قومی سلامتی کمیٹی کے 2 اجلاسوں میں توثیق کی گئی کہ یہ بیانات پاکستان کے اندرونی معاملات میں ناقابل قبول اور صریح مداخلت کے مترادف ہیں۔

انہوں نے کہا کہ حالات و واقعات پر مبنی شواہد  حاصل کرنے سے بھی معاملے کو انجام تک پہنچایا جا سکتا ہے،عمران خان کا خط وزیر اعظم پاکستان اور چیف جسٹس کو بھیج رہا ہوں،چیف جسٹس معاملے کی تحقیقات اور سماعت کے لیے با اختیار عدالتی کمیشن قائم کریں۔