کسی شک میں نہ رہیں ،آج ہر صورت سیالکوٹ جارہا ہو ں : عمران خان

تفصیلات کے مطابق چیئرمین تحریک انصاف اور  سابق وزیر اعظم عمران خان نے سیالکوٹ جلسے سے متعلق سوشل میڈیا پر  بیان جاری کیا ہے۔ 

عمران خان  نے ٹوئٹر پر پیغام میں کہا کہ  امپورٹڈ حکومت نے سیالکوٹ میں ہماری قیادت اور ورکرز کے ساتھ جو کیا وہ اشتعال انگیز ہے، مجرموں کا یہ ٹولہ ضمانت پر ہے۔

انہوں  نے مزید کہا ہے کہ  لندن میں بیٹھے مجرم نے ہمیشہ مخالفین کے خلاف فاشسٹ ہتھکنڈے استعمال کیے ہیں۔

I will be going to Sialkot today, let there be no doubt. What Imported Govt did in Sialkot against our ldrship & workers is outrageous, but not unexpected. This bunch of criminals out on bail & their convict mafia boss in London have always used fascist tactics against opponents

— Imran Khan (@ImranKhanPTI) May 14, 2022

اس سے قبل پی ٹی آئی رہنما فواد چوہدری  کا اس بار ے کہنا تھا کہ آج پورا سیالکوٹ ہی جلسہ گاہ ہو گا، عمران خان ساڑھے 6 بجے تک سیالکوٹ پہنچ جائیں گے۔ انہوں نے مزید کہا کہ جلسے کے لیے انتظامات کیے جا رہے ہیں ، باڑ یا کنٹینر لگانے سے عوام کے سمندر کو نہیں روکا جا سکتا،گر کہیں روکا گیا تو پھر ایک نہیں پچاس جلسے ہونگے۔