لاہور میں سورج سوا نیزے پر آگیا

جی این این کے مطابق صوبائی دارالحکومت میں سورج آگ برسانے لگا ،   شہر کا درجہ حرارت 46 ڈگری سینٹی گریڈ ریکارڈ تک پہنچ گیا ، شہرمیں گرم لو چلنے لگی جس سے شہریوں کو آنکھوں اور جلد پر جلن محسوس ہونے لگی۔

محکمہ موسمیات نے شہریوں کو  احتیاطی تدابیر اختیار کر نے کی ہدایت کردی ۔ محکمہ موسمیات کے مطابق درجہ حرارت معمول سے 7 سے 9 ڈگری سینٹی گریڈ زیادہ ہو سکتا ہے۔ 

طبی ماہرین کاکہنا ہے کہ شہری بلاوجہ باہر نکلنے سے گریز کریں، باہر نکلنے کی صورت میں گیلا کپڑا سر پر رکھیں، پانی کا استعمال زیادہ سے زیادہ اور بار بار کریں۔ 

دوسری جانب وزیر اعلی پنجاب میاں حمزہ شہباز کی ہدایات پر موجودہ ہیٹ ویو کے پیش نظر واسا لاہور نے شہر بھر میں واٹر ٹینکرز کھڑے کر دیے گئے۔

واسا انتظامیہ کا کہنا ہے کہ لاہور شہر کے مختلف مقامات پر واسا لاہور کی طرف سے پینے کاصاف پانی بذریعہ واٹر ٹینکر فراہم کر دیا گیا ہے۔ تمام ڈائریکٹرز کو ہدایات جاری کر دی ہیں پانی کی قلت والے تمام علاقوں میں پانی کی ترسیل کو یقینی بنایا جائے۔

تمام ایس ڈی او ز کو ہدایات جاری کر دی گئی ہیں کہ جہاں پانی کی قلت ہووہاں ٹینکرز کے ذریعے پانی کی فراہمی کویقینی بنائیں ۔عوامی شکایات کے ازالہ میں کوئی غفلت برداشت نہیں کی جائے گی۔