حکومت تحریک انصاف کونجی مقامات پرجلسوں کی اجازت نہیں دیگی : مریم اورنگزیب 

تفصیلات کے مطابق وزیر اطلاعات و نشریات مریم اورنگزیب  نے آج اپنے بیان میں کہا کہ اگر لوگ اپنی نجی زمین جلسوں کے لئے دینے کو تیار نہیں تو وزیر داخلہ کو اس کا ذمہ دار نہیں ٹھہرایا جا سکتا۔

وفاقی وزیر ny  کہا کہ عمران خان صرف ڈرامہ کرنا چاہتے ہیں اور ان کا مقصد صرف تماشا لگانا ہے ۔ 4 سال لوٹ مار کرنے والی گزشتہ حکومت 4 ہفتے پہلے آنے والی حکومت سے سوال کر رہی ہے۔ خونی مارچ کرنا کوئی جمہوری حق نہیں ہے، حکومت عوام کو اس خونی مارچ سے بچانا جانتی ہے،  اس معاملے سے کوئی پنجاب حکومت کا لینا دینا نہیں، ہمیں تو دھمکیاں دیں کیونکہ ہم چار سال سزا موت کی چکیوں سے گزر کر آئے ہیں، اب تو پھانسی ہی رہ گئی تھی، 

انہوں نے کہا کہ عمران خان نے آئین اور پارلیمان پر حملہ کیا، 4 سال نااہل اور نالائق لوگ اقتدار سے چمٹے رہے، 4 سال پارلیمنٹ کو آرڈیننس کے ذریعے چلایا گیا، عمران خان کس حیثیت سے سرکاری ہیلی کاپٹر استعمال کر رہے ہیں ؟ عمران خان نے نیب کو استعمال کرنے کا اعتراف کیا۔ آپ نے 4 سال میں ملکی معیشت تباہ کی، آپ نے غیر قانونی طور پر پٹرول سستا کیا، آپ نے عوام کے ساتھ دھوکا کیا، غیرقانونی سبسڈی دی۔

وفاقی وزیر نے مزید کہا کہ عمران خان پاکستان کی عوام کو بےوقوف نہیں بنا سکتے تاہم اب حکومت عوام کو مہنگائی سے بچانے کی کوشش کر رہی ہے۔ سچ بولیں، شیشہ دیکھیں، گریبانوں میں جھانکیں۔