چینی کسی صورت 70 روپے فی کلو نہیں دے سکتے ، شوگر ملز ایسوسی ایشن نے واضح اعلان کر دیا

لاہور:  چینی فی کلو  70 روپے پر فروخت کرنے کے معاملات طے نہ کر پائے ، شوگر ملز ایسوسی ایشن نے حکومت پر واضح کر دیا کہ چینی کسی صورت 70 روپے فی کلو  فروخت نہیں کر سکتے ۔

تفصیلات کے مطابق  ترجمان شوگر ملز ایسوسی ایشن نے کہا کہ  چینی  70 روپے فی کلو گرام فروخت کرنے سے شوگر انڈسٹری تباہ ہو جائے گی  لہٰذا کسی صورت بھی چینی  70 روپے فی کلو گرام فروخت نہیں کر سکتے ۔

خیال رہے اس سے قبل  شریف فیملی نے اپنی زیر ملکیت شوگر ملوں سے چینی 70 روپے کلو میں فروخت کرنے کا فیصلہ کیا تھا  تاکہ پنجاب میں چینی کی قیمت میں کمی لائی جاسکے۔